ബെന്യാമിന്‍ എന്ന പേര് മലയാള സാഹിത്യത്തിലെ ആഘോഷമായത് ആടുജീവിതം എന്നൊരൊറ്റ നോവല്‍ കൊണ്ടാണ്.  പതിമൂന്നു വര്‍ഷംകൊണ്ട് നൂറിലധികം പതിപ്പുകളും ലക്ഷക്കണക്കിന് കോപ്പികളും വിറ്റഴിഞ്ഞ ആടുജീവിതം വെറും കോപ്പിയടിയായിരുന്നു എന്നു കേട്ടാല്‍ ബെന്യാമിന്റെ ആരാധകര്‍ മാത്രമല്ല, വായനക്കാര്‍ മുഴുവന്‍ ഞെട്ടും. സംഗതി വെറും പകര്‍ത്തിയെഴുത്തായിരുന്നുവെന്നാണ് സമൂഹ മാദ്ധ്യമ ട്രോളന്മാര്‍ കണ്ടുപിടിച്ചത്. ഇക്കാര്യം വിസ്തരിച്ച് ജന്മഭൂമി ദിനപത്രം ഈ മോഷണവാര്‍ത്ത പ്രസിദ്ധീകരിക്കുകയും ചെയ്തു.

അമേരിക്കന്‍ എഴുത്തുകാരനായ മുഹമ്മദ് അസദിന്റെ റോഡ് ടു മെക്ക അഥവാ മക്കയിലേക്കുള്ള പാത എന്ന ആത്മകഥാ ഗ്രന്ഥത്തിന്റെ വികല തര്‍ജ്ജമയാണത്രെ ബെന്യാമിന്റെ ആടുജീവിതം. പല ഭാഗങ്ങളും വള്ളിപുള്ളി വിടാതെയുള്ള പരിഭാഷയാണെന്ന് തെളിവു സഹിതമാണ് വാര്‍ത്ത പ്രചരിക്കുന്നത്. അതുകൊണ്ട് ട്രോളന്മാരുടെയും ജന്മഭൂമിയുടെയും ആരോപണത്തില്‍ ലേശം സത്യമില്ലാതില്ലല്ലോ എന്ന് ആര്‍ക്കും ഒറ്റവായനയില്‍ത്തന്നെ തോന്നും.

ജീവിതം തേടി സൗദി അറേബ്യയിലെത്തിയ നജീബ് മുഹമ്മദ് എന്ന മലയാളിയുടെ അനുഭ