സുരക്ഷിതമായ ലൈം​ഗികബന്ധത്തിൽ പുരുഷന്മാർ അലംഭാവം കാണിക്കുന്നതായി പഠനം. ജേർണൽ ഓഫ് ഹെൽത്ത് റിസർച്ച് നടത്തിയ പഠനത്തിലാണ് ഇത് വ്യക്തമായത്. സുരക്ഷിതമല്ലാത്ത ലൈം​ഗികബന്ധത്തിന്റെ പ്രത്യാഘാതങ്ങൾ അറിയാമായിരുന്നിട്ടും പുരുഷന്മാർ അലംഭാവം കാണിക്കുന്നു എന്ന് പഠനത്തിൽ പറയുന്നു. 18 നും 35 നും ഇടയ്ക്ക് പ്രായമുള്ള പുരുഷന്മാരെയും സ്ത്രീകളെയുമാണ് പഠനത്തിന് വിധേയമാക്കിയത്. ലൈം​ഗികബന്ധത്തിലൂടെ പകരുന്ന  എയ്ഡ്സ്, ​ഗൊണേറിയ എന്നീ മാരകരോ​ഗങ്ങളെക്കുറിച്ച് അറിവുണ്ടായിട്ടും പുരുഷന്മാർ അത് ശ്രദ്ധിക്കുന്നില്ലെന്ന് പഠനത്തിൽ തെളിഞ്ഞു. എന്നാൽ സ്ത്രീകൾ സുരക്ഷിതമായ ലൈം​ഗികബന്ധത്തിന് ശ്രദ്ധകൊടുക്കുന്നുവെന്നും കണ്ടെത്തി.