ഗർഭനിരോധന മാർഗങ്ങളിൽ ഏറ്റവും ഫലപ്രദമെന്ന് കരുതുന്നുവയാണ് കോണ്ടം. ഇതുവഴി ഒട്ടുമിക്ക ലൈം​ഗിക രോ​ഗങ്ങളും തടയാനാകുമെന്നാണ് കണക്കാക്കുന്നത്. ഉപയോ​ഗിക്കാൻ ഏറ്റവും എളുപ്പമെന്ന നിലയിലും ഫലപ്രദമായ ​ഗർഭ നിരോധന സംവിധാനമെന്ന നിലയിലുമാണ് കോണ്ടം ഉപയോ​ഗിക്കുന്നത്. കോണ്ടം എപ്പോഴും തണുപ്പുള്ള, നനവില്ലാത്ത സ്ഥലത്താണ് സൂക്ഷിക്കേണ്ടത്. അല്ലെങ്കിൽ അവ കേടാകും. ഇതുവഴി അവ ധരിക്കാനും ഉപയോഗിക്കാനും ബുദ്ധിമുട്ടുണ്ടാകും.  സുരക്ഷിതത്വം കുറയും എന്നതാണ് ഇതിലൂടെ ഉണ്ടാകുന്ന പ്രശ്നം.  

നേർത്ത ലാറ്റക്‌സ് (റബ്ബർ), പോളിയുറതെയ്ൻ അല്ലെങ്കിൽ പോളിസോപ്രീൻ ഉപയോഗിച്ചാണ് കോണ്ടം നിർമ്മിക്കുക. ഇത് ബീജസങ്കലനം തടഞ്ഞ് ഗർഭധാരണം തടയുന്ന രീതിയിലാണ് നിർമിച്ചിരിക്കുന്നത്. . എന്നാൽ ലാറ്റക്‌സ് ചിലരിൽ അലർജിയുണ്ടാക്കും. ഇത് തിണർപ്പ്, തൊലി ചുവന്ന് തടിക്കൽ എന്നിവയ്ക്ക് കാരണമാകും.  കൂടാതെ ചിലർക്ക് ജലദോഷവും ഇതുവഴി ഉണ്ടാകാം. എന്നാൽ ചില രോഗികളിൽ, അലർജി ശ്വസന ശ്വാസനാളങ്ങളെ ബാധിക്കുകയും വ്യക്തികളുടെ രക്തസമ്മർദ്ദം കുറയാൻ ഇടയാക്കുകയും ചെയ്യുന്നു. അതുകൊണ്ട് തന്നെ ലാറ്റക്‌സ് അലർജിയുണ്ടെങ്കിൽ, നിങ്ങൾ പോളിയറതെയ്ൻ അല്ലെങ്കിൽ ലാംബ്‌സ്‌കിൻ കോണ്ടം ഉപയോഗിക്കുന്നതാണ് നല്ലത്. 
ലൈംഗിക ബന്ധത്തിൽ ഏർപ്പെടുമ്പോൾ, കോണ്ടം കേടാകുകയോ അല്ലെങ്കിൽ ഊരിപ്പോവുകയോ ചെയ്താൽ, ഗർഭധാരണത്തിനും ലൈംഗിക രോഗങ്ങൾക്കും സാധ്യതയുണ്ട്. ഇത് സാധാരണയായി അമിതമായ ഘർഷണം മൂലമാണ് സംഭവിക്കുന്നത്.പുരുഷ കോണ്ടം സ്ഖലനം കഴിഞ്ഞ് ഉടൻ തന്നെ ലൈംഗികാവയവത്തിൽ നിന്ന് നീക്കം ചെയ്യണം. ലിംഗത്തിന് ഉദ്ധാരണം നഷ്ടപ്പെട്ടാൽ കോണ്ടത്തിൽ നിന്ന് ബീജം യോനിയിലേക്ക് എത്താനുള്ള സാധ്യത കൂടുതലാണ്. ഇത് അനാവശ്യ ഗർഭധാരണത്തിനും ലൈംഗിക രോഗങ്ങൾക്കും ഇടയാക്കും.