ബെഡ്റൂമിൽ പുരുഷന്മാരെ അലട്ടുന്ന പ്രശ്നമാണ് ശീഘ്രസ്ഖലനം. ലൈം​ഗികബന്ധം ആരംഭിക്കുന്നതിന് തൊട്ടുമുമ്പോ തുടങ്ങുമ്പോഴോ സ്ഖലനമുണ്ടാകുന്ന അവസ്ഥയാണിത്. ഇത് കാരണം സന്തോഷകരമായ ലൈം​ഗികബന്ധം അസാധ്യമാകുന്നു. മാനസികവും ശാരീരികവുമായ കാരണങ്ങൾ കൊണ്ട് ശീഘ്രസ്ഖലനം സംഭവിക്കാം. അമിതമായ ഉത്കണ്ഠ, ലൈം​ഗികബന്ധത്തോടുള്ള അമിതാവേശം എന്നിവ ശീഘ്രസ്ഖലനത്തിന് കാരണമാകും. സ്ഥിരമായ സ്വയംഭോ​ഗശീലവും ശീഘ്രസ്ഖലനത്തിന് കാരണമാകാറുണ്ട്.

ചികിത്സവേണ്ടത് എപ്പോൾ?

ബന്ധപ്പെടുമ്പോൾ സ്ത്രീക്കും പുരുഷന്മാർക്കും ഒരേ സമയം രതിമൂർച്ഛ വരണമെന്നില്ല.  രണ്ടുപേർക്കും ഒരേസമയം രതിമൂർച്ഛ സംഭവിക്കുന്നതാണ് സന്തുഷ്ടകരമായ ലൈം​ഗികബന്ധം. ശീ​ഘ്രസ്ഖലനം കാരണം സ്ത്രീക്ക് രതിമൂർച്ഛ അസാധ്യമായി  തീരുന്നു. നിരന്തരമായി ശീഘ്രസ്ഖലനം ഉണ്ടാകുകയാണെങ്കിൽ ചികിത്സ ആവശ്യമാണ്. ശാരീരിക കാരണമാണോ മാനസിക കാരണമാണോ എന്ന് തിരിച്ചറിഞ്ഞ ശേഷമാണ് ചികിത്സ നടത്തുന്നത്.