കൊളസ്ട്രോൾ സ്ത്രീകളുടെയും പുരുഷന്മാരുടെയും ലൈം​ഗികജീവിതത്തെ കാര്യമായി ബാധിക്കുന്ന അവസ്ഥയാണ്. കൊളസ്ട്രോളിന്റെ അളവ് കൂടിയ പുരുഷന്മാർക്ക് ഉദ്ധാരണം കുറയും. സ്ത്രീകൾക്കാകട്ടെ രതിമൂർച്ഛ അസാധ്യമാകും. എൽ.ഡി.എൽ കൊളസ്ട്രോളാണ് ലൈം​ഗികജീവിതത്തിൽ വില്ലനായി മാറുന്നത്. ഈ കൊളസ്ട്രോൾ ധമനികളിൽ അടിയുകയും രക്തയോട്ടം കുറയ്ക്കുകയും ചെയ്യുന്നു. ഇത് കാരണം ലിം​ഗത്തിലേയ്ക്കുള്ള രക്തപ്രവാഹത്തിന് തടസ്സം വരുന്നു. ഇങ്ങനെ ശേഷിക്കുറവ് ഉണ്ടാകുന്നു. ഉയർന്ന  കൊളസ്ട്രോളുള്ള സ്ത്രീകൾക്ക് ലൈം​ഗികബന്ധസമയത്ത് യോനിയിലുണ്ടാകുന്ന ല്യൂബ്രിക്കേഷൻ കുറയുന്നു. ഇത് ലൈം​ഗികബന്ധം വേദനാജനകമാക്കുകയും ക്രമേണ ലൈം​ഗികബന്ധത്തോട് വിരക്തിയുണ്ടാകുകയും ചെയ്യുന്നു. അതുകൊണ്ട്  കൊളസ്ട്രോൾ ഉള്ളവർ അത് നിയന്ത്രിക്കാനുള്ള മാർ​ഗങ്ങൾ ഡോക്ടറുടെ നിർദ്ദേശപ്രകാരം ചെയ്യണം.