കന്യാചർമ്മം പൊട്ടി രക്തം വന്നാൽ മാത്രമേ കന്യകയാവൂ എന്ന വാദത്തിന് ശാസ്ത്രീയമായ തെളിവുകൾ ഒന്നുമില്ലെങ്കിലും ഇന്നും  കന്യാചർമ്മം പൊട്ടി രക്തം വന്നാലേ പെണ്ണ് "പരിശുദ്ധയാണ് "  എന്ന് വിശ്വസിക്കുന്ന അപരിഷ്കൃത  സമൂഹം  നിലനിൽക്കുന്നുണ്ട് . വധു  കന്യകയാണെന്ന് , അതായത് വിവാഹത്തിന് മുമ്പ് മറ്റാരുമായും ശാരീരിക  ബന്ധം ഉണ്ടായിട്ടില്ലെന്ന്  തെളിയിക്കുന്നത്   കന്യാ ചർമ്മം പൊട്ടി ഉണ്ടാകുന്ന രക്തസ്രാവമാണെന്നതാണ് ഇപ്പോഴും പല പുരുഷകേസരികളുടെയും  അടിയുറച്ച വിശ്വാസം . ആ വിശ്വാസത്തിലെ വിപണന സാധ്യത  മനസിലാക്കി ബിഗ് ഓൺലൈൻ ബ്രാൻഡ് ആയ ആമസോൺ   ഇതാ വിർജിനിറ്റി ക്യാപ്സ്യൂൾ വിപണിയിലെത്തിച്ചിരിക്കുന്നു  . ചുവന്ന  കളറിലുള്ള പൊടിയാണ്  സാധനം . ഇത് ഉപയോഗിച്ച് വ്യാജ രക്തം കാണിച്ചു കന്യകാത്വം തെളിയിക്കാനുള്ള അവസരമാണ് കമ്പനി ഒരുക്കിയിരിക്കുന്നത് . 3100 രൂപയാണ് വില. വ്യാജ​കന്യാരക്തത്തിന് വൻഡിമാന്റാണെന്ന് ആമസോൺ അധികൃതർ വ്യക്തമാക്കി.