ലോകത്ത്  ഏറ്റവും കൂടുതൽ ഉപയോ​ഗിക്കപ്പെടുന്ന ലൈം​ഗിക ഉത്തേജക മരുന്നാണ് വയാ​ഗ്രയെങ്കിലും  ഇതിന്റെ പാർശ്വഫലങ്ങൾ പലർക്കും അറിയില്ല.വയാ​ഗ്ര ഉപയോ​ഗിക്കുന്നവർ തലവേദന,മൂക്കടപ്പ്, കാഴ്ചമങ്ങൽ, സൂര്യപ്രകാശമേൽക്കുമ്പോൾ അലർ‌ജി എന്നിങ്ങനെയുള്ള ലക്ഷണങ്ങൾ ഉണ്ടെങ്കിൽ ഡോക്ടറെ സമീപിക്കേണ്ടതാണ്.  അമിതരക്തസമ്മർദ്ദമുള്ളർക്ക്  വയാ​ഗ്ര സുരക്ഷിതമല്ല. വയാ​ഗ്ര ഉപയോ​ഗിക്കുമ്പോൾ സ്വാഭാവികമായും ശരീരത്തിലെ രക്തസമ്മർദ്ദം വർദ്ധിക്കും. രക്തസമ്മർദ്ദരോ​ഗികളിലാകട്ടെ രക്തസമ്മർദ്ദം അപകടകരമാം വിധം ഉയരാൻ സാധ്യതയുണ്ട്.
വയാ​ഗ്ര സ്ഥിരമായി ഉപയോ​ഗിക്കുന്നവരുടെ കണ്ണുകളിലെ ഞരമ്പുകൾക്ക് ക്ഷതമേൽക്കാനുള്ള സാധ്യത കൂടുതലാണെന്ന് പഠനങ്ങളിൽ തെളിഞ്ഞിട്ടുണ്ട്. ഹൃദ്രോ​ഗികൾ  വയാ​ഗ്ര ഉപയോ​ഗിക്കുമ്പോൾ ഹൃദയമിടിപ്പ് ക്രമാതീതമായി ഉയർന്ന് ഹൃദയസ്തംഭനത്തിനുവരെ സാധ്യതയുണ്ട്. ദീർഘകാലത്തെ വയാ​ഗ്രയുടെ ഉപയോ​ഗം കേൾവിശക്തി കുറയ്ക്കുവാനും കാരണമാകും.
രക്തസമ്മർദ്ദത്തിനും ഹൃദ്രോ​ഗത്തിനും പുറമേ താഴെ പറയുന്ന രോ​ഗാവസ്ഥയുള്ളവർ വയാ​ഗ്ര ഒഴിവാക്കുന്നത് നന്ന്.
* കരൾരോ​ഗമുള്ളവർ
* വൃക്കരോ​ഗമുള്ളവർ
* പക്ഷാഘാതം വന്നവർ