ചോദ്യം:എനിക്ക് 32 വയസ്സുണ്ട്. മദ്യപിക്കുന്ന സ്വഭാവമുണ്ട്. പനി വരുമ്പോൾ ഞാൻ പാരസെറ്റാമോൾ കഴിക്കാറുണ്ട്. ‍ഡോക്ടറുടെ നിർദ്ദേശമില്ലാതെയാണ് കഴിക്കുന്നത്. പാരസെറ്റാമോൾ കരളിന് ദോഷമാണെന്ന് ഒരു സുഹൃത്ത് പറഞ്ഞു. ഇത് ശരിയാണോ?‌

ശരത്
തിരുവനന്തപുരം

വേദന, പനി എന്നിവയ്ക്ക് ലോകമെമ്പാടും പാരസെറ്റമോൾ ഉപയോ​ഗിച്ചുവരുന്നുണ്ട്. പാരസെറ്റമോളിന് പല വിധ വകഭേദങ്ങളുമുണ്ട്.  എന്നാൽ അമിതമായും ഡോക്ടറുടെ നിർദ്ദേശമില്ലാതെയും പാരസെറ്റമോൾ കഴിക്കുന്നത് അപകടമാണ്. 4 ​ഗ്രാം അതായത് 4000 എം.ജിയിൽ കൂടുതൽ പാരസെറ്റമോൾ ഒരു ദിവസം ഉപയോ​ഗിക്കാൻ പാടില്ല. ഇതിൽ കൂടുതൽ പാരസെറ്റമോൾ ഉപയോ​ഗിച്ചാൽ അത് കരളിന് ദോഷം ചെയ്യും. പാരസെറ്റമോൾ അമിതമായി ഉപയോ​ഗിക്കുന്നവർക്ക് മാരക കരൾരോ​ഗമായ സിറോസിസ് 
വരാനുള്ള സാധ്യത കൂടുതലാണ്.

പാരസെറ്റമോൾ കഴിക്കുന്നവർ മദ്യം ഒഴിവാക്കണം. മദ്യപിച്ചിട്ട് പാരസെറ്റമോൾ കഴിച്ചാൽ കരളിന് അതിവേ​ഗം കേടുണ്ടാകും. ​ഗർഭിണികൾ പാരസെറ്റമോൾ ഉപയോ​ഗിച്ചാൽ ​ഗർഭസ്ഥശിശുവിന്റെ ആരോ​ഗ്യത്തെ ബാധിക്കുമെന്ന് വിവിധ പഠനങ്ങൾ മുന്നറിപ്പ് നൽകിയിട്ടുണ്ട്.  പാരസെറ്റമോൾ കഴിക്കുന്നവർ ധാരാളം വെള്ളം കുടിക്കണം. പാരസെറ്റമോളിൽ അടങ്ങിയിരിക്കുന്ന കെമിക്കലുകൾ കരളിനെ ദോഷപ്പെടുത്താതിരിക്കാൻ 
ഇത് സഹായിക്കും.