ചോദ്യം:എനിക്ക് 28 വയസ്സുണ്ട്. ദുബായിൽ ​ജോലി നോക്കുന്നു. ആറുമാസം ​ഗർഭിണിയാണ്. ആദ്യത്തെ ​ഗർഭമാണ്. പ്രസവത്തിനായി നാട്ടിൽ വരണമെന്ന് ആ​ഗ്രഹമുണ്ട്. എനിക്ക് ഛർദ്ദി കൂടുതലാണ്. വിമാനയാത്ര ചെയ്യുമ്പോൾ എന്തൊക്കെ മുൻകരുതലുകൾ എടുക്കണം? 

ഉത്തരം:​ഗർഭകാലത്തെ വിമാനയാത്ര വളരെ ശ്രദ്ധിക്കണം. യാത്ര ചെയ്യുമ്പോൾ അടിവയറ്റിൽ ലാപ്ബെൽറ്റ് ധരിക്കാം. ഇടയ്ക്കിടെ എഴുന്നേറ്റ് റിലാക്സ് ചെയ്യണം. ഇറുക്കമുള്ള വസ്ത്രങ്ങൾ ഒഴിവാക്കണം. ഛർദ്ദിയുണ്ടെങ്കിൽ ഡോക്ടറുടെ നിർദ്ദേശപ്രകാരം ​മരുന്ന് കഴിക്കണം. ലഘുവായ ഭക്ഷണമാണ് നല്ലത്. ​കാർബണേറ്റ് പാനീയങ്ങൾ ഒഴിവാക്കി ശുദ്ധജലം കുടിക്കണം.