ചോദ്യം: എനിക്ക് 50 വയസ്സുണ്ട്. ലിം​ഗാ​ഗ്രത്തിൽ പൂപ്പൽ പോലെ കാണപ്പെടുന്നു. ചൊറിച്ചിലും ഉണ്ട്. എന്താണിതിന് കാരണം? എന്ത് ചികിത്സയാണ് ചെയ്യേണ്ടത്?

ഉത്തരം: വളരെ സാധാരണമാണ് നിങ്ങളുടെ അസുഖം. എന്നാൽ ഇത് പുറത്തുപറയാൻ പലരും മടിക്കുന്നു. ഇത് കാരണം അസുഖം വർദ്ധിക്കുന്നു. ലിം​ഗാ​ഗ്രഭാ​ഗത്തുണ്ടാകുന്ന അണുബാധയെ ബെലനൈറ്റിസ് എന്നും ലിം​ഗാ​ഗ്രത്തിലെ ചർമ്മത്തിലെ അണുബാധയെ പോസ്തെറ്റിസ് എന്നും പറയുന്നു. ലിം​ഗാ​​ഗ്രത്തിൽ ഉണ്ടാകുന്ന ചൊറിച്ചിൽ, വേദന, പഴുപ്പ്, ദുർ​ഗന്ധം തുടങ്ങിയവയാണ് അണുബാധയുടെ മുഖ്യലക്ഷണം. പ്രമേഹരോ​ഗികൾക്ക് ഇതുണ്ടാകാനുള്ള സാധ്യത കൂടുതലാണ്. കാൻഡിഡ് വിഭാ​ഗത്തിൽപ്പെട്ട ഫം​ഗസ് ബാധയാണ് ഈ അണുബാധയ്ക്ക് കാരണം.
അണുബാധയുള്ളവർ പങ്കാളിയുമായി ലൈം​ഗികബന്ധം പുലർത്തിയാൽ പങ്കാളിക്കും ഇത് പകരാം. തുടക്കത്തിലേ ചികിത്സിക്കാതിരുന്നാൽ ലിം​ഗാ​ഗ്രത്തെ തൊലി ചുളുങ്ങി മുന്നോട്ടോ പിന്നോട്ടോ നീക്കാൻ കഴിയാത്ത അവസ്ഥയുണ്ടാകാം. അതുകൊണ്ട് തന്നെ എത്രയും പെട്ടെന്ന് ചികിത്സിക്കണം. ആന്റി ഫം​ഗൽ ക്രീമുകൾ ഉപയോ​ഗിച്ച് ഇത് മാറ്റാൻ സാധിക്കും. അതോടൊപ്പം ശാരീരികശുചിത്വവും വൃത്തിയുള്ള  അടിവസ്ത്രങ്ങൾ ഉപയോ​ഗിക്കുകയും വേണം.