ചോദ്യം: എനിക്ക് 52 വയസ്സുണ്ട്. രാത്രി കാലത്ത്  കാലുകളിൽ കോച്ചിപ്പിടുത്തം ഉണ്ടാകുന്നു. എന്തുകൊണ്ടാണിത് ഉണ്ടാകുന്നത്? എന്താണ് ചികിത്സ?

ഉത്തരം: പ്രായം കൂടിയവരിൽ രാത്രി കാലത്ത് കാലുകളി‍ൽ കോച്ചിപ്പിടുത്തം ഉണ്ടാകുക സാധാരണമാണ്. തുടയിലെയും കാൽവണ്ണകളിലെയും പേശികളാണ്  കോച്ചിപ്പിടിക്കുന്നത്. പേശീവലിവ് വരുമ്പോൾ ഉറക്കത്തിൽ നിന്നും പെട്ടെന്ന് വേദനയോടെ  എഴുന്നേൽക്കേണ്ടിവരുന്നു. സങ്കോചം വന്ന പേശികളെ ബലത്തിൽ അമർത്തുകയോ വലിക്കുകയോ ചെയ്താൽ വേദന മാറും. ഈ സന്ദർഭത്തിൽ മസാജ് ചെയ്യുയോ വലിവുണ്ടായ പേശികളിൽ ഹീറ്റിങ്ങ്  പാഡ് ഉപയോ​ഗിക്കുകയോ ചെയ്യാം.  എന്നിട്ടും മാറിയില്ലെങ്കിൽ പേശികൾ റിലാക്സാക്കാനുള്ള ​ഗുളികകൾ കഴിക്കണം. ധാരാളം വെള്ളം കുടിക്കുക, ഉറങ്ങുന്നതിന് മുമ്പ് കാലുകൾ സ്ട്രച്ച് ചെയ്യുക എന്നിവയൊക്കെ പേശിവലിവ്  കുറയ്ക്കും.