ചോദ്യം:എനിക്ക് 62 വയസ്സുണ്ട്. രുചിക്കുറവും ദഹനപ്രശ്നങ്ങളും ഉണ്ട്. എന്തുകൊണ്ടാണിത്. ഇത് മാറാൻ എന്താണ് ചെയ്യേണ്ടത്?

അ​ഗസ്തി,
തൃശ്ശൂർ

ഉത്തരം:പ്രായമായവർക്ക് രുചിക്കുറവും ദഹനപ്രശ്നങ്ങളും സാധാരണമാണ്. ദന്തരോ​ഗങ്ങൾ, ചില മരുന്നുകൾ,രുചി​ഗ്രന്ഥിയിലെ പ്രശ്നങ്ങൾ ഇവയാണ് രുചിക്കുറവിന് കാരണമാകുന്നത്. പ്രായം കൂടുന്തോറും ദഹനേന്ദ്രിയങ്ങളുടെ പ്രവർത്തനം മന്ദ​ഗതിയിലാകും.ഇതാണ് ദഹനപ്രശ്നങ്ങൾക്ക് കാരണം. പ്രായമായർ പുകവലി ഉപേക്ഷിക്കണം. ദന്തപരിചരണത്തിൽ ശ്രദ്ധിക്കണം. ദിവസവും 12 ​ഗ്ളാസ് വെള്ളം കുടിക്കണം.
നെഞ്ചെരിച്ചിൽ, മലബന്ധം, അൾസർ എന്നിവ പ്രായമായവരിൽ കണ്ടുവരുന്ന ദഹനപ്രശ്നങ്ങളാണ്. ഇവയെ ഒഴിക്കാനുള്ള മാർ​ഗങ്ങൾ താഴെ പറയുന്നു.
*ചെറിയ അളവിൽ ഭക്ഷണം കഴിക്കുക
* മദ്യം,പുകവലി, എരിവുള്ള ഭക്ഷണങ്ങൾ എന്നിവ ഒഴിവാക്കുക.
* ഭക്ഷണം കഴിച്ച ഉടനെ നടക്കുകയും കിടക്കുകയും ചെയ്യരുത്.
*നാരുകളുള്ള ഭക്ഷണം കഴിക്കുക
* കൃത്യസമയത്ത് ഭക്ഷണം കഴിക്കുക
* യോ​ഗ, നടത്തം തുടങ്ങിയ ആയാസം കുറഞ്ഞ വ്യായാമങ്ങൾ‌ ചെയ്യുക.