ചോദ്യം:ഞാൻ 32 വയസ്സുള്ള വിവാഹിതയാണ്. വെള്ളപോക്കാണ് എന്നെ അലട്ടുന്ന പ്രശ്നം. ഇത് കൂടാതെ യോനിയിൽ ചൊറിച്ചിലും നീറ്റലുമുണ്ട്. എന്താണ് ചെയ്യേണ്ടത്?

ഉത്തരം:  യോനിയിൽ നിന്ന് ചെറിയ തോതിലുള്ള സ്രവം പുറത്തേക്ക് പോകുന്നത് സാധാരണമാണ് എന്നാൽ ചൊറിച്ചിലും നീറ്റലും പോലുള്ള അസ്വസ്ഥതകൾ അനുഭവപ്പെടുന്നുണ്ടെങ്കിൽ അത് അണുബാധയുടെ ലക്ഷണമാകാം .യോനിക്ക് സഹജമായ  നനവ് നൽകുന്ന വെളുത്ത സ്രവങ്ങളുണ്ട്. എന്നാൽ അണുബാധയുണ്ടാകുമ്പോൾ സ്രവത്തിന് നിറവ്യത്യാസം, ദുർ​ഗന്ധം എന്നിവയുണ്ടാകും. ഇതിനെയാണ് വെള്ളപോക്ക് എന്നു പറയുന്നത്. അണുബാധകൾ പലതരത്തിലുണ്ട്.  

ബാക്ടീരിയൽ വജൈനോസിസ് ആണ് ഇതിൽ പ്രധാനം. വെളുത്തതോ ചാരനിറത്തോടു കൂടിയതോ ആയ ദുർ‌​ഗന്ധമുളള സ്രവമാണ് ഇതിന്റെ ലക്ഷണം. ശുചിത്വക്കുറവ് ചെറുപ്രായത്തിലുള്ള  ലൈം​ഗികബന്ധം,  കോപ്പർ ടീ പോലുള്ള ​ഗർഭനിരോധന 
മാർ​ഗങ്ങളുടെ ഉപയോ​ഗം, ആർത്തവസമയത്തെ ലൈം​ഗികബന്ധം എന്നിവയാണ് ഇതിന് കാരണങ്ങളായി കണക്കാക്കപ്പെടുന്നത് .
മറ്റു അണുബാധകൾ : 
കാൻഡിഡിയാസിസ് 
ഫങ്കസ് അണുബാധയാണ് കാൻഡിഡിയാസിസ് തെരുപോലുള്ള സ്രവം, യോനീഭാ​ഗത്ത് ചൊറിച്ചിൽ, വേദന എന്നിവയാണ് ഇതിന്റെ ലക്ഷണങ്ങൾ. ശുചിത്യമില്ലായ്മയാണ് ഇത് ഉണ്ടാകുന്നതിന് പ്രധാന കാരണം. സിന്തറ്റിക് അടിവസ്ത്രങ്ങൾ ഉപയോ​ഗിക്കുന്നവർക്ക് ഇത് വരാനുള്ള സാധ്യത കൂടുതലാണ്. പ്രമേഹരോ​ഗികൾക്കും ഇത് വരാം. 
ട്രൈക്കോമോണാസ് വജൈനാലിസ്
യോനീഭാ​ഗം ചുവന്ന നിറത്തിലുള്ളതാകുന്നതാണ് ഇതിന്റെ ലക്ഷണം. യോനിയിൽ നിന്നും മഞ്ഞകലർന്ന ദുർ​ഗന്ധമുള്ള സ്രവവും അസഹ്യമായ ചൊറിച്ചിലും ഉണ്ടാകും. 

യോനിയിലുണ്ടാകുന്ന അണുബാധയ്ക്ക് ശരിയായ ചികിത്സ  തേടിയില്ലെങ്കിൽ വന്ധ്യതവരെയുണ്ടാകും. ​ഗർഭിണിക്കാണ് അണുബാധ ഉണ്ടാകുന്നതെങ്കിൽ അത് കുഞ്ഞിനെ ബാധിക്കും. അണുബാധയുണ്ടെങ്കിൽ ലൈം​ഗികബന്ധം ഒഴിവാക്കണം. അല്ലെങ്കിൽ പങ്കാളിക്ക് ഇത് പകരാനുള്ള സാധ്യതയുണ്ട്.‌ 
യോനീഭാ​ഗം വീര്യം കുറഞ്ഞ സോപ്പ് ഉപയോ​ഗിച്ച് ശുദ്ധജലത്തിൽ കഴുകി വൃത്തിയാക്കുക, ഉണങ്ങിയതും വൃത്തിയുളളതുമായ കോട്ടൺ അടിവസ്ത്രങ്ങൾ ഉപയോ​ഗിക്കുക.ആർത്തസമയത്ത് സാനിറ്ററി പാഡുകൾ നാല് മണിക്കൂർ ഇടവിട്ട് മാറ്റുക എന്നിവ അണുബാധയെ പ്രതിരോധിക്കാൻ സഹായിക്കും. ലോഗലക്ഷണങ്ങൾ കണ്ടാൽ തീർച്ചയായും ഡോക്ടറെ ചികിത്സ തേടുക .