ചോദ്യം‍: എനിക്ക് 35 വയസ്സുണ്ട്. അടുത്തിടെ രക്തം പരിശോധിച്ചപ്പോൾ പ്രീ ഡയബെറ്റിക് സ്റ്റേജിലാണെന്ന് കണ്ടെത്തി. എന്താണ് പ്രീ ഡയബെറ്റിസ്? പ്രീ ഡയബെറ്റിക് ആയാൽ പെട്ടെന്ന് ഡയബെറ്റിസ് വരുമോ? 

ഉത്തരം: രക്തത്തിലെ പഞ്ചസാരയുടെ  നില ഉയർന്നതായിരിക്കുക. എന്നാൽ ഡയബെറ്റിസിലെത്താൻ മാത്രം ഉയർന്നതല്ലാതിരിക്കുക. ഈ അവസ്ഥയെയാണ് പ്രീ ഡയബെറ്റിസ് എന്നു പറയുന്നത്. ആഹാരം ക​ഴിഞ്ഞ ശേഷമുള്ള രക്തത്തിലെ പഞ്ചസാരയുടെ തോത് 140-199 വരെ കാണുമ്പോഴാണ് പ്രീ‍ ഡയബെറ്റിസ് ഉണ്ടാകുന്നത്. പ്രീ ഡയബെറ്റിസ് സ്റ്റേജിൽ കാര്യമായ രോ​ഗ ലക്ഷണങ്ങൾ‌ കാണുകയില്ല. പ്രീ ഡയബെറ്റിസ് സ്റ്റേജിലെത്തിയാൽ ജീവിതശൈലിയിലും ഭക്ഷണരീതിയിലും കാര്യമായ മാറ്റങ്ങൾ വരുത്തണം. മധുരപലഹാരങ്ങൾ, ഫാസ്റ്റ്ഫുഡ്, എണ്ണപ്പലഹാരങ്ങൾ എന്നിവ ഒഴിവാക്കണം. പച്ചക്കറികൾക്ക് മുൻതൂക്കമുള്ള ഡയറ്റ് സ്വീകരിക്കണം. ശാരീരികസ്ഥിതിക്കനുസരിച്ച് വ്യായാമങ്ങൾ ചെയ്യണം. 
ആഹാരം കഴിഞ്ഞുള്ള രക്തത്തിലെ പഞ്ചസാരയുടെ അളവ് 200-ൽ കൂടുതലാണെങ്കിൽ ഡയബെറ്റിസ് ഉണ്ടെന്ന് ഉറപ്പാക്കാം. ഈ സന്ദർഭത്തിൽ പ്രമേഹരോ​ഗ ​ഗുളികകൾ കഴിച്ചു തുടങ്ങണം. മെറ്റ്ഫോലിൻ എന്ന ​ഗുളികയാണ്  ആദ്യഘട്ടത്തിൽ നൽകുന്നത്. രക്തത്തിലെ പഞ്ചസാരയുടെ അളവ് 200-ൽ കൂടുതലാണെങ്കിൽ  ഉടൻ തന്നെ വൈദ്യസഹായം തേടണം.