മഹാനടിക്കു ശേഷം തെലുങ്കിൽ മടങ്ങി എത്തുകയാണ് ദേശീയ അവാർഡ് ജേതാവായ നടി കീർത്തി സുരേഷ്. നായികാ പ്രാധ്യാനമുള്ള ചിത്രത്തിന് 'മിസ് ഇന്ത്യ' എന്നാണ് പേര് നൽകിയിരിക്കുന്നത്. ഗ്ലാമർ വേഷത്തിലെത്തുന്ന ഈ ചിത്രത്തിന് വേണ്ടി കീർത്തി 15 കിലോയോളം ശരീര ഭാരം കുറച്ചുവെന്നാണ് റിപ്പോർട്ടുകൾ സൂചിപ്പിക്കുന്നത്. ചിത്രത്തിന്റെ പേര് വെളിപ്പെടുത്തുന്ന വീഡിയോ അണിയറ പ്രവർത്തകർ പുറത്ത് വിട്ടു. മഹേഷ് എസ് കൊനേരു നിർമ്മിക്കുന്ന ചിത്രം സംവിധാനം ചെയ്യുന്നത് നരേന്ദ്രനാഥാണ്.ജഗപതി ബാബു, നവീൻ ചന്ദ്ര, രാജേന്ദ്ര പ്രസാദ്, സുമന്ത്, പൂജിത പൊന്നാട എന്നിവർ ചിത്രത്തിൽ പ്രധാന വേഷങ്ങളിൽ എത്തുന്നു.കീർത്തി സുരേഷിന്റെ തെലുങ്ക് ചിത്രം മഹാനടിക്കു വലിയ പ്രേക്ഷക പ്രശംസയാണ് ലഭിച്ചത്.