2021ലെ മികച്ച നടനുള്ള ഫിലിം ക്രിട്ടിക്‌സ് പുരസ്‌കാരം നടന്‍ ദുല്‍ഖര്‍ സല്‍മാന് . കുറുപ്പ്, സല്യൂട്ട് എന്നീ ചിത്രങ്ങളിലെ അഭിനയത്തിനാണ് പുരസ്‌കാരം ലഭിച്ചത്. മികച്ച നടിയായി ‘ഉടല്‍’ സിനിമയിലെ പ്രകടനത്തിന് ദുര്‍ഗ കൃഷ്ണയെ തെരഞ്ഞെടുത്തു. കൃഷാന്ത് നിര്‍മ്മിച്ച് സംവിധാനം ചെയ്ത ആവാസവ്യൂഹമാണ് മികച്ച ചിത്രമായി തെരഞ്ഞെടുത്തത്. മികച്ച സംവിധായകനുള്ള അവാര്‍ഡ് നായാട്ടിലൂടെ മാര്‍ട്ടിന്‍ പ്രക്കാട്ട് സ്വന്തമാക്കി.