ഇന്ത്യൻ ഫുട്ബാൾ താരം ഐ എം വിജയൻ നിർമ്മിക്കുന്ന പാണ്ടി ജൂനിയേഴ്‌സിന്റെ ടീസർ ദുൽഖർ സൽമാൻ പുറത്തു വിട്ടു. ദീപക് ഡിയോൺ ആണ് ചിത്രത്തിന്റെ തിരക്കഥയും സംവിധാനവും നിർവഹിക്കുന്നത്. ബിഗ് ഡാഡി എന്റര്ടെയിന്മെന്റിന്റെ ബാനറിൽ ഐ എം വിജയനും അരുൺ തോമസും ദീപു ദാമോദറും ചേർന്നാണ് നിർമ്മാണം. പൂർണമായും ഫുട്ബോൾ പശ്ചാത്തലത്തിൽ  അണിയിച്ചൊരുക്കുന്ന ചിത്രത്തിൽ  ജിങ്കൻ, മൃണാളിനി ഗാന്ധി, അശ്വിൻ മാത്യു, സേതു ലക്ഷ്മി എന്നിവർ പ്രധാന വേഷങ്ങളിലെത്തുന്നു. നവാഗതനായ അനീഷ് സുരേന്ദ്രൻ ക്യാമറ ചലിപ്പിക്കുന്ന ചിത്രത്തിൽ അശ്വിൻ സംഗീതമൊരുക്കുന്നു. നവംബറോടെ സിനിമ തിയേറ്ററുകളിലെത്തും.