സംവിധായകനായും അഭിനേതാവായും കയ്യടി നേടിയ താരമാണ് ലാൽ. ഒരു ഘട്ടത്തിൽ സംവിധായകനിൽ നിന്ന് അഭിനയത്തിലേക്ക് ചുവടുമാറ്റം നടത്തിയ താരം നിരവധി വേഷങ്ങളിലൂടെ പ്രേക്ഷകരെ വിസ്മയിപ്പിച്ചിട്ടുണ്ട്. ഇപ്പോൾ ലാലിന്റെ വിവാഹ ഫോട്ടോ സമൂഹ മാധ്യമങ്ങളിൽ ശ്രദ്ധ നേടുകയാണ്. 32 വർഷം പഴക്കമുള്ള തന്റെ വിവാഹ ഫോട്ടോ ഫെയ്‌സ്ബുക്കിൽ പങ്കു വെച്ചിരിക്കുകയാണ് ലാൽ. ചുള്ളൻ ലുക്കിൽ ഭവ്യതയോടെ നിൽക്കുന്ന താരത്തിന് അന്നും തന്റെ ട്രേഡ് മാർക്കായ താടിയുണ്ട്. മിന്നുകെട്ട് കഴിഞ്ഞു പള്ളിയിൽ നിന്ന് ഇറങ്ങി വരുമ്പോഴുള്ള ഫോട്ടോ ആണ് ലാൽ പങ്കുവെച്ചിരിക്കുന്നത്. താരത്തിന് വിവാഹ വാർഷിക ആശംസകളുമായി നിരവധി പേർ ഫെയ്സ്ബുക് പേജിലെത്തി.പ്രഭാസ് നായകനാകുന്ന ബിഗ് ബജറ്റ് ചിത്രം സാഹോ ആണ് ലാലിന്റെ ഏറ്റവും പുതിയ ചിത്രം.