തണ്ണീർ മത്തൻ ദിനങ്ങൾ എന്ന ചിത്രത്തിലൂടെ പ്രേക്ഷക ഹൃദയം കീഴടക്കിയ താരമാണ് അനശ്വര രാജൻ. യുവ നടൻ ദുൽഖർ സൽമാനെ നേരിട്ട് കണ്ട സന്തോഷം ഫെയ്‌സ്ബുക്കിലൂടെ പങ്കു വെക്കുകയാണ് അനശ്വര.  ' കഴിഞ്ഞ മൂന്ന് വർഷമായുള്ള തന്റെ ആഗ്രഹം സഫലമായിരിക്കുകയാണ്'. ദുൽഖർ സൽമാനൊപ്പം നിൽക്കുന്ന ചിത്രം പങ്കു വെച്ച് അനശ്വര ഫെയ്‌സ്ബുക്കിൽ കുറിച്ചു. മഞ്ജു വാര്യർ നായികയായ ഉദാഹരണം സുജാതയിലൂടെ ബിഗ് സ്‌ക്രീനിൽ എത്തിയ അനശ്വര, നായികയായ തണ്ണീർ മത്തൻ ദിനങ്ങൾ 45 കോടി രൂപയാണ് ഇതിനകം ബോക്സ് ഓഫീസിൽ നിന്ന് കളക്ട് ചെയ്തത്