പ്രമുഖ കന്നഡ സിനിമ- സീരിയല്‍ താരവും ഫിറ്റ്‌നസ് ട്രെയിനറുമായിരുന്ന സുശീല്‍ ഗൗഡയെ ആത്മഹത്യ ചെയ്ത നിലയില്‍ കണ്ടെത്തി. 30 വയസായിരുന്നു പ്രായം. മാണ്ഡ്യയിലെ വസതിയിലാണ് സുശീലിനെ മരിച്ച നിലയില്‍ കണ്ടെത്തിയത്. കന്നഡയിലെ ജനപ്രിയ സീരിയലായ അന്തപുരയിലെ പ്രധാന കഥാപാത്രത്തെ അവതരിപ്പിച്ചത് സുശീല്‍ ഗൗഡയായിരുന്നു. ഈയടുത്ത് ഒരു സിനിമയിലും  അഭിനയിച്ചു.

ദുനിയ വിജയ് നായകനായ സലഗ എന്ന ചിത്രത്തില്‍ പൊലീസുകാരന്റെ വേഷത്തിലാണ് സുശീല്‍ അഭിനയിച്ചത്. ചിത്രം റിലീസ് ചെയ്തിട്ടില്ല. സുശീല്‍ ഗൗഡയുടെ മരണത്തില്‍ കന്നഡ ടിവി- സിനിമാ രംഗത്തെ പ്രമുഖര്‍ അനുശോചനം രേഖപ്പെടുത്തി. 

സുശീലിന്റെ മരണവാര്‍ത്ത തന്നെ ഞെട്ടിച്ചുവെന്ന് നടന്‍ അമിത രംഗനാഥ് പറഞ്ഞു. ഏറെ ദുഖകരമായ വാര്‍ത്തയെന്നാണ് അനന്തപുര സീരിയലിന്റെ സംവിധായകന്‍ അഭിപ്രായപ്പെട്ടത്.