പേരൻപിന് ശേഷം വീണ്ടും മെഗാസ്റ്റാർ മമ്മൂട്ടിയുടെ തമിഴ് ചിത്രം അണിയറയിൽ ഒരുങ്ങുന്നതായി റിപ്പോർട്ട്. വമ്പൻ ബജറ്റിലൊരുങ്ങുന്ന ചിത്രത്തിൽ നയൻതാരയും മക്കൾ സെൽവൻ വിജയ് സേതുപതിയും അണിനിരക്കുന്നുണ്ടെന്നാണ് വിവരം. ചിത്രത്തിൽ മമ്മൂട്ടിയുടെ വില്ലനായാണ് വിജയ് സേതുപതി എത്തുക.ചരിത്ര പശ്ചാത്തലത്തിൽ കഥ പറയുന്ന ചിത്രത്തിന്റെ സംവിധാനം നിർവഹിക്കുന്നത് നവാഗതനായ വിപിനാണ്.തമിഴിൽ നിർമ്മിക്കുന്ന ചിത്രം മലയാളത്തിലും മൊഴി മാറ്റി എത്തും. ഖാലിദ് റഹ്മാൻ സംവിധാനം ചെയ്ത ഉണ്ട ആണ് മമ്മൂട്ടി നായകനായി എത്തിയ അവസാന ചിത്രം.