സൂപ്പർഹിറ്റ് ചിത്രം ജൂണിനു ശേഷം രജിഷ വിജയൻ പ്രധാന വേഷത്തിലെത്തുന്ന ചിത്രം ഫൈനൽസിന്റെ ടീസർ പുറത്തിറങ്ങി. പി ആർ അരുൺ ആണ് ചിത്രം സംവിധാനം ചെയ്യുന്നത്. ഒളിമ്പിക്സിനായി തയാറെടുക്കുന്ന സൈക്ലിസ്റ് ആയാണ് രജിഷ എത്തുന്നത്. ആലീസ് എന്നാണ് രജിഷയുടെ കഥാപാത്രത്തിന്റെ പേര്. പൂർണ്ണമായും സ്പോർട്സ് പശ്ചാത്തലത്തിലെത്തുന്ന ചിത്രത്തിൽ സുരാജ് വെഞ്ഞാറമൂടും പ്രധാന വേഷത്തിൽ എത്തുന്നുണ്ട്. മണിയൻപിള്ള രാജുവും പ്രജീവും ചേർന്നാണ് ചിത്രം നിർമ്മിക്കുന്നത്.