തമിഴ് സൂപ്പർ താരം ധനുഷും സംവിധായകൻ വെട്രിമാരനും ഒന്നിക്കുന്ന ഏറ്റവും പുതിയ ചിത്രം അസുരന്റെ പുതിയ പോസ്റ്ററുകൾ പുറത്തിറങ്ങി. നടി മഞ്ജു വാര്യരുടെ തമിഴിലെ അരങ്ങേറ്റ ചിത്രം കൂടിയാണ് അസുരൻ.ധനുഷിന്റെ രണ്ട് വ്യത്യസ്ത ഭാവങ്ങളാണ് പോസ്റ്ററിൽ ഉള്ളത് . ശാന്ത ഭാവത്തോടെയുള്ള ധനുഷിനൊപ്പം ചോര പുരണ്ട കത്തിയേന്തിയ മറ്റൊരു ചിത്രവും പോസ്റ്ററിലുണ്ട്‌. അച്ഛനും മകനുമായി ഡബിൾ റോളിലാണ് താരം ഇത്തവണ പ്രേക്ഷകരെ വിസ്മയിപ്പിക്കാൻ എത്തുന്നത്. 'വൊക്കയി' എന്ന തമിഴ് നോവലിനെ ആധാരമാക്കിയാണ് അസുരൻ ചിത്രീകരിച്ചിക്കുന്നത് . മഞ്ജു വാര്യരും ചിത്രത്തിന്റെ പോസ്റ്ററുകൾ ഫെയ്‌സ്ബുക്കിൽ ഷെയർ ചെയ്തിട്ടുണ്ട്.