ചലച്ചിത്ര ഗാനരചയിതാവും പ്രശസ്ത സംഗീത സംവിധായകൻ എം ജി രാധാകൃഷ്ണന്റെ ഭാര്യയുമായ പത്മജാ രാധാകൃഷ്ണൻ അന്തരിച്ചു. ഹൃദയാഘാതം ആണ് മരണകാരണം. തിരുവനന്തപുരത്തുള്ള വീട്ടിൽ വെച്ചാണ് അന്ത്യം. നെഞ്ചുവേദന വന്ന് വീട്ടിൽ കുഴഞ്ഞുവീണതിനെ തുടർന്ന് ആശുപത്രിയിൽ പ്രവേശിപ്പിച്ചെങ്കിലും രക്ഷിക്കാനായില്ല. 2013 ൽ പുറത്തിറങ്ങിയ മിസ്റ്റർ ബീൻ എന്ന ചിത്രത്തിലെ ഗാനങ്ങളിലൂടെയാണ് പത്മജാ രാധാകൃഷ്ണൻ മലയാള ഗാനരചനാരംഗത്ത് പ്രശസ്തി നേടുന്നത്. ചലച്ചിത്ര ഗാനരംഗം കൂടാതെ ചിത്രരചനാരംഗത്തും ഇവർ വ്യക്തിമുദ്ര പതിപ്പിച്ചിട്ടുണ്ട്. പ്രശസ്ത ഓഡിയോഗ്രാഫർ എം ആർ രാജകൃഷ്ണൻ ആണ് മകൻ.