ബ്രസിൽ സൂപ്പർ താരം നെയ്മറെ ട്രോളിയത്തിന്റെ പേരിൽ നടൻ ഉണ്ണി മുകുന്ദനെതിരെ നെയ്മർ ആരാധകരുടെ സൈബർ ആക്രമണം. ഓഗസ്റ്റ് 20  നു ഉണ്ണിമുകുന്ദൻ ഫെയ്‌സ്ബുക്കിൽ പോസ്റ്റ് ചെയ്ത വീഡിയോ ആണ് നെയ്മർ ആരാധകരെ ചൊടിപ്പിച്ചത് . കുട്ടികൾക്കൊപ്പം ഫുട്ബോൾ കളിക്കുന്ന വീഡിയോയുടെ അടിക്കുറിപ്പിൽ മഞ്ഞക്കുപ്പായമിട്ട കുട്ടി ,നെയ്മറെ പോലെ ചെയ്യുന്നുവെന്ന് താരം  കുറിച്ചിരുന്നു . 2018  ലോകകപ്പ് ഫുട്ബോൾ മത്സരത്തിൽ  പരിക്ക് അഭിനയിച്ച് മൈതാനത്ത് കിടന്ന നെയ്മർ കടുത്ത പരിഹാസമേറ്റു വാങ്ങിയിരുന്നു .  ഈ സംഭവം പരോക്ഷമായി സൂചിപ്പിക്കുന്നതായിരുന്നു ഉണ്ണി മുകുന്ദന്റെ പോസ്റ്റ് . പോസ്റ്റ് വൈറൽ ആയതോടെ നെയ്മർ ആരാധകർ ഒന്നടങ്കം താരത്തിനെതിരെ തിരിഞ്ഞു . ഭീഷണികളും  അധിക്ഷേപവും കൊണ്ട് കമന്റ് ബോക്സ് നിറഞ്ഞു . 'നേരിട്ട് വന്നാൽ കമന്റ് ഡിലീറ്റ് ചെയ്യാം' എന്നാണ് ഒരു കമെന്റിനു ഉണ്ണി നൽകിയ മറുപടി . പരാതികളുടെ എണ്ണം ഏറിയപ്പോൾ വിശദീകരണ പോസ്റ്റുമായി താരം രംഗത്ത് വന്നു . ഒരു കായിക താരത്തെയും മോശമാക്കാൻ ഉദ്ദേശിച്ചായിരുന്നില്ല തന്റെ പോസ്റ്റ് എന്ന് ഉണ്ണി പറഞ്ഞു .