രാജ്യത്ത് ലോക്ക്ഡൗൺ പ്രഖ്യാപിച്ച സാഹചര്യത്തിൽ ബോളിവുഡിലെ ദിവസവേതന തൊഴിലാളികൾക്ക് ധനസഹായം പ്രഖ്യാപിച്ച് സൽമാൻ ഖാൻ. ഉപജീവനം പ്രതിസന്ധിയിലായിരിക്കുന്ന ബോളിവുഡ് ഇൻഡസ്ട്രിയിലെ 24,000 ദിവസവേതന തൊഴിലാളികൾക്കാണ് സൽമാൻ ഖാൻ സഹായം പ്രഖ്യാപിച്ചത്.  ഫെഡറേഷൻ ഓഫ് വെസ്റ്റേൺ ഇന്ത്യ സിനി എപ്ലോയിസ് സംഘടനയിലെ ആർട്ടിസ്റ്റുകളാണിവർ . സംഘടന പ്രസിഡന്റ് ബി എൻ തിവാരിയാണ് ഇക്കാര്യം വെളിപ്പെടുത്തിയത്.

ദൈനംദിന കൂലിത്തൊഴിലാളികളെ സഹായിക്കാൻ 50 ലക്ഷം രൂപ സംഭാവന നൽകി മുന്നോട്ട് വന്ന സെലിബ്രിറ്റികളിൽ ആദ്യ ആൾ സൂപ്പർ സ്റ്റാർ രജനീകാന്ത് ആണ് . ബ്രിഹൻമുംബൈ മുൻസിപ്പൽ കോർപറേഷനിലെ ജീവനക്കാർക്കും മറ്റു കെയർടേക്കേഴ്സിനുമായി എൻ95 , എഫ്എഫ്പിട മാസ്കകൾ വാങ്ങുകയാണ് ഹൃത്വിക് ചെയ്തത് . അതേസമയം കപിൽ ശർമ 50 ലക്ഷം രൂപ പ്രധാനമന്ത്രിയുടെ ദുരിതാശ്വാസ ഫണ്ടിലേക്ക് സംഭാവന ചെയ്തു .