കൊറോണ ബാധിച്ച് ചികിത്സയിൽ കഴിയുന്ന ഗായിക കനിക കപൂറിനോട് താരജാഡ കാണിക്കരുതെന്ന് ആശുപത്രി അധികൃതർ. ആശുപത്രിയിൽ തനിക്ക് കിട്ടുന്ന പരിഗണന കുറവാണെന്ന് കനിക കപൂർ പറഞ്ഞതിനെ തുടർന്നാണ് ആശുപത്രി അധികൃതർ രൂക്ഷവിമർശനവുമായി രംഗത്തെത്തിയത്. 

ആശുപത്രിയിൽ തനിക്ക് ഭക്ഷണവും മരുന്നുമൊന്നും മര്യാദയ്ക്ക് തരുന്നില്ലെന്നും , കഴിക്കാൻ ആകെ തന്നത് ഒരു ഓറഞ്ചും രണ്ടു ചെറുപഴവും മാത്രമാണെന്നുമാണ്  കനിക കപൂർ പരാതിപ്പെട്ടത് . എന്നാൽ താരത്തിന്റെ ഈ ആരോപണത്തോട് രൂക്ഷമായാണ് ആശുപത്രി അധികൃതർ പ്രതികരിച്ചത് . തനിക്ക് പ്രത്യേകമൊരു ബാത്ത് -അറ്റാച്ഡ് മുറി നൽകിയിട്ടുണ്ട് . കോവിഡ് രോഗ വിഭാഗത്തിനുള്ള എ . സി യൂണിറ്റ് പ്രത്യേകം നിർമ്മിച്ചിട്ടുണ്ട് . രോഗിയുടെ കാര്യത്തിൽ വളരെയധികം ശ്രദ്ധ ഞങ്ങൾ പുലർത്തുന്നുണ്ട് . പക്ഷേ , ആദ്യം ഒരു താരമാണെന്നുള്ള പെരുമാറ്റം അവസാനിപ്പിച്ച് അവർ രോഗി മാത്രമാണെന്ന് ചിന്തിക്കട്ടെ ' എന്നായിരുന്നു ആശുപത്രി വൃത്തങ്ങളുടെ പ്രതികരണം .

അതിനിടെ, താരത്തിന്റെ  പെരുമാറ്റത്തിനെതിരെ സോഷ്യൽ മീഡിയ അടക്കം വൻ വിമർശനമാണ് ഉന്നയിക്കുന്നത്.