ഇന്ത്യൻ സിനിമയിലെ നവാഗതനായ മികച്ച സംവിധായകന് സമ്മാനിക്കപ്പെടുന്ന ഗൊല്ലപൂടി ശ്രീനിവാസറാവു പുരസ്‌കാരം മലയാള സിനിമയായ 'കുമ്പളങ്ങി നെറ്റ്‌സ്' സംവിധായകൻ മധു സി നാരായണന് .ഒന്നരലക്ഷം രൂപയും ശിൽപ്പവും പ്രശസ്തിപത്രവും അടങ്ങുന്നതാണ് പുരസ്കാരം.ബോളിവുഡ് ചിത്രമായ 'ഉറി-ദി സർജിക്കൽ സ്ട്രൈക്ക്' ഒരുക്കിയ ആദിത്യ ധറും മികച്ച നവാഗത സംവിധായകനുള്ള ഈ വർഷത്തെ പുരസ്കാരം പങ്കിട്ടിട്ടുണ്ട്.ആഗസ്റ്റ് 12ന് ചെന്നൈയിൽ വെച്ച് നടക്കുന്ന ചടങ്ങിലാണ് പുരസ്കാരങ്ങൾ സമ്മാനിക്കുക.

പ്രേമപുസ്തകം' എന്ന തന്‍റെ കന്നിച്ചിത്രം സംവിധാനം ചെയ്‌തു കൊണ്ടിരിക്കവേ മരണപ്പെട്ട സംവിധായകനാണ് ഗൊല്ലപൂഡി ശ്രീനിവാസ റാവു. അദ്ദേഹത്തിന്‍റെ സ്മരണയ്ക്കായി 1997 മുതൽ നവാഗത സംവിധായകർക്ക് സമ്മാനിക്കപ്പെടുന്നതാണ് ഈ പുരസ്കാരം.