ഇളയദളപതി വിജയ്‌യുടെ പുതിയ ചിത്രത്തിന്റെ സഹനിര്‍മ്മാതാവിന്റെ വീട്ടില്‍ റെയ്ഡ്‌. മാസ്‌റ്റേഴ്‌സിന്റെ സഹനിര്‍മ്മാതാവ് ലളിത് കുമാറിന്റെ വസതിയിലും ഓഫീസിലുമാണ് ആദായനികുതി വകുപ്പിന്റെ റെയ്ഡ്. ഈ വര്‍ഷം ഇത് രണ്ടാം തവണയാണ് വിജയ് ചിത്രവുമായി ബന്ധപ്പെട്ടവരുടെ വസതിയില്‍ ആദായനികുതി വകുപ്പ് റെയ്ഡ് നടത്തുന്നത്. നേരത്തെ വിജയിയുടെ ബിഗിലിന്റെ നിര്‍മ്മാതാവ് അന്‍പുചെഴിയന്റെ ഓഫീസുകളിലും വീട്ടിലും ആദായ നികുതി വകുപ്പ് പരിശോധനകള്‍ നടത്തിയിരുന്നു. അന്ന് 165 കോടി രൂപയുടെ വെട്ടിപ്പ് നടന്നതായി ആദായ നികുതി വകുപ്പ് കണ്ടെത്തിയിരുന്നു.