ഗായകന്‍ കെ എസ് ഹരിശങ്കറിന്റെ ഫേസ്ബുക്ക് പേജ് ഹാക്ക് ചെയ്തു. ഹരിശങ്കര്‍ യൂസുഫ് യിഗിറ്റ് എന്ന പേരിലാണ് പേജ് ഇപ്പോള്‍ റി നെയിം ചെയ്തിരിക്കുന്നത്. ഹരിശങ്കറിന്റെ പേജിന്റെ പേരുമാറ്റം ശ്രദ്ധയില്‍പ്പെടുത്തിയപ്പോഴാണ് ഗായകനും ഇക്കാര്യം അറിഞ്ഞത്.കെ എസ് ഹരിസങ്കര്‍ യൂസഫ് യിഗിറ്റ് എന്ന പേജില്‍ പേരുമാറ്റിയത് കണ്ട് പലരും മെസ്സേജ് അയച്ചിരുന്നുവെന്ന് ഹരിശങ്കര്‍. മതം മാറിയതാണോ എന്ന് ചോദിച്ചാണ് പലരും മെസ്സേജ് അയച്ചതെന്നും ഹരിശങ്കര്‍. മതം മാറിയതല്ല പേജ് ഹാക്ക് ചെയ്തതാണെന്ന് അവരോട് പറഞ്ഞതായി ഹരിശങ്കര്‍ മാധ്യമങ്ങളോട് പ്രതികരിച്ചു .എണ്‍പത്തി രണ്ടായിരം ഫോളോവേഴ്‌സ് ഉള്ള ഫേസ്ബുക്ക് പേജാണ് ഹരിശങ്കറിന്റേത്. അക്കൗണ്ട് തിരിച്ചുപിടിക്കാനുള്ള ശ്രമങ്ങള്‍ ആരംഭിച്ചിരിക്കുകയാണ് ഹരിശങ്കര്‍.