മലയാളികളുടെ രണ്ട് ഇഷ്ടതാരങ്ങളായ മഞ്ജു വാര്യരും സണ്ണി വെയ്നും ആദ്യമായി ഒരുമിക്കുകയാണ് പുതിയ ചിത്രത്തിലൂടെ .നവാഗത സംവിധായകരായ സലില്‍, രഞ്ജിത്ത് എന്നിവര്‍ ചേര്‍ന്നാണ് ചിത്രം സംവിധാനം ചെയ്യുന്നത്. ചിത്രത്തിന്റെ ചിത്രീകരണം അടുത്തമാസം തിരുവനന്തപുരത്തു ആരംഭിക്കും . മഞ്ജു വാരിയറിനൊപ്പം ആദ്യമായാണ് സണ്ണി വെയ്ൻ അഭിനയിക്കുന്നത് . മഞ്ജു നായികയാകുന്ന ചിത്രത്തിൽ ശ്രദ്ധേയ കഥാപാത്രമായി താനെത്തുന്നു എന്ന വിവരം നേരത്തെ തന്നെ സണ്ണി ഫേസ്ബുക്കിൽ പങ്കുവെച്ചിരുന്നു . ഇരുവരുടെയും ആരാധകർ ആവേശത്തോടെ ചിത്രത്തിനായി കാത്തിരിക്കുകയാണ് . ജിസ് ടോംസിന്റെ നേത്യത്വത്തില്‍ ജിസ് ടോംസ് മൂവിസാണ് ചിത്രം നിര്‍മ്മിക്കുന്നത്. ഹൊറര്‍ ചിത്രമാണന്നാണ് റിപ്പോര്‍ട്ട്. ചിത്രത്തിന്റെ പൂജ ഡിസംബര്‍ ആദ്യ വാരം നടക്കും.