വനിതാ സംവിധായികമാർക്ക്  സിനിമ നിർമ്മിക്കാനുള്ള ധനസഹായം നൽകുന്ന സംസ്ഥാന ചലച്ചിത്ര വികസന കോർപ്പറേഷന്റെ പദ്ധതിയിൽ സംവിധായികമാരെ  തിരഞ്ഞെടുത്ത നടപടിക്ക് ഹൈക്കോടതിയുടെ സ്റ്റേ. സിനിമ നിർമ്മിക്കാൻ വേണ്ടി രണ്ടു പേർക്ക് കോർപ്പറേഷൻ വഴി ഒന്നരകോടി വീതം നൽകുന്നതായിരുന്നു പദ്ധതി.

പദ്ധതിയുടെ ഭാ​ഗമായി ഓ​ഗസ്റ്റിൽ സംവിധായികമാരെ കണ്ടെത്താനുള്ള അഭിമുഖം നടത്തിയിരുന്നു. തുടർന്ന് താര രാമാനുജം, ഐ.ജി. മിനി എന്നിവരെ തിരഞ്ഞെടുത്തതാണ് ഹൈക്കോടതി സ്റ്റേ ചെയ്തത്. നടപടിക്രമങ്ങൾ ലംഘിച്ചാണ് സംവിധായികമാരെ തിരഞ്ഞെടുത്തതെന്ന് ആരോപിച്ച് അഭിമുഖത്തിൽ പങ്കെടുത്ത വിദ്യാമുകുന്ദൻ, ​ഗീത, അനുചന്ദ്ര, ആൻ കുര്യൻ എന്നിവർ നൽകിയ ഹർജിയിലാണ് നടപടി.