വിനയന്റെ സൂപ്പർഹിറ്റ് ഹൊറർചിത്രമായ ആകാശ​ഗം​ഗയുടെ  രണ്ടാംഭാ​ഗമായ ആകാശ​ഗം​ഗ-2  ഇന്ന് തിയേറ്ററുകളിലെത്തും.  1999-ലാണ്  ആകാശഗംഗയുടെ ആദ്യഭാഗം റിലീസ് ചെയ്തത് .ആകാശ​ഗം​ഗ ആദ്യഭാ​ഗത്തെപ്പോലെ രണ്ടാംഭാ​ഗവും പ്രേക്ഷകരെ പൊട്ടിച്ചിരിപ്പിക്കുകയും പേടിപ്പെടുത്തുകയും ചെയ്യുമെന്ന് വിനയൻ പറഞ്ഞു. ഒന്നാംഭാ​ഗത്തിൽ ദിവ്യ ഉണ്ണിയാണ് നായികയെങ്കിൽ രണ്ടാംഭാ​ഗത്തിൽ രമ്യാകൃഷ്ണനാണ് പ്രധാന വേഷത്തിലെത്തുന്നത്. ഒരുപാട് നി​ഗുഡതകളുള്ള ഡോ. സൗമിനിദേവിയായാണ് രമ്യാകൃഷ്ണൻ അഭിനയിക്കുന്നത്.ആകാശ​ഗം​ഗയിലെ നായകൻ റിയാസ് ഇരുപതു വർഷത്തിനുശേഷം അഭിനയിക്കുന്ന ചിത്രമെന്ന പ്രത്യേകത കൂടി ആകാശ​ഗം​ഗ-2 നുണ്ട്. വീണാനായർ എന്ന പുതുമുഖത്തെ വിനയൻ ഈ ചിത്രത്തിലൂടെ പരിചയപ്പെടുത്തുന്നു. ആരതി എന്ന കഥാപാത്രത്തെയാണ് വീണാനായർ അവതരിപ്പിക്കുന്നത്.സിദ്ദീഖ്, ജ​ഗദീഷ്, സലിംകുമാർ, ഹരീഷ് കണാരൻ, ധർമ്മജൻ ബോൾ​ഗാട്ടി,ശ്രീനാഥ് ഭാസി ,ഹരീഷ് പേരാടി , സുനിൽസു​ഗത എന്നിങ്ങനെ വൻ താരനിര തന്നെ ഈ ചിത്രത്തിലുണ്ട്.ഇരുന്നൂറോളം തിയേറ്ററുകളിലാണ് ആകാശ​ഗം​ഗ-2 റിലീസ് ചെയ്യുന്നത്.