വിജയ് യുടെ വീടിന് ബോംബ് ഭീഷണി. തമിഴ്നാട് സ്റ്റേറ്റ് പൊലീസ് കൺട്രോൾ റൂമിൽ വിളിച്ചാണ് അജ്ഞാതൻ ഭീഷണി മുഴക്കിയത്. വിജയ് യുടെ സാലി​ഗ്രാമത്തിലുള്ള വീട്ടിൽ ബോംബ് വച്ചിട്ടുണ്ടെന്നും ബോംബ് ഉടൻ തന്നെ പൊട്ടുമെന്നുമായിരുന്നു ഭീഷണി. പൊലീസ് ഉടൻ തന്നെ വിജയ് യുടെ വീട്ടിലെത്തി കാര്യം അറിയിച്ചു. വിജയ് യുടെ അച്ഛൻ ചന്ദ്രശേഖറും അമ്മ ശോഭയും മാത്രമാണ് വീട്ടിലുണ്ടായിരുന്നത്. വിജയ് ഭാര്യയ്ക്കും മക്കൾക്കുമൊപ്പം പനൈയൂരിലാണ് ഇപ്പോൾ താമസം. രണ്ടുവീട്ടിലും പൊലീസ് സുരക്ഷ ശക്തമാക്കി. ഫോൺകോളിന്റെ ഉറവിടം തേടി പൊലീസ് അന്വേഷണമാരംഭിച്ചിട്ടുണ്ട്.