പ്രേമത്തിലെ മലരിലൂടെ മലയാളികളുടെ മനം കവർന്ന സായ് പല്ലവി നയൻതാരയെപ്പോലെ ലേഡിസൂപ്പർതാരമാകുമെന്ന് പ്രവചിച്ചവരേറേയാണ്. എന്നാൽ പ്രതീക്ഷിച്ചതുപോലെ സായ്പല്ലവി മുന്നേറിയില്ല. താരത്തിന്റെ ചില പിടിവാശികളാണ് ഇതിന് കാരണമെന്ന് സിനിമാവൃത്തങ്ങൾ പറയുന്നു.  ​ഗ്ളാമർ വേഷങ്ങളിലോ ലിപ് ലോക് രം​ഗങ്ങളിലോ അഭിനയിക്കില്ലെന്ന പിടിവാശി സായ്പല്ലവിക്കുണ്ട്. ഇത് കാരണമാണ് തമിഴിലും തെലുങ്കിലും സായ്പല്ലവിക്ക് അവസരങ്ങൾ കുറഞ്ഞത്. അഭിനയിക്കുന്ന സിനിമയുടെ പ്രമോഷൻ പരിപാടിയിൽ പങ്കെടുക്കാൻ തയ്യാറാകാത്തതും സായ്പല്ലവിക്ക് വിനയായി.

സെലക്ടീവായി മാത്രമേ അഭിനയിക്കുകയുള്ളൂവെന്ന് സായ്പല്ലവി പറയുന്നു. ​നാ​ഗചൈതന്യ നായകനായ തെലുങ്കുചിത്രത്തിൽ ​ഗ്ളാമറസ് വേഷത്തിനാണ് ക്ഷണിച്ചത്. അതിൽ രണ്ട് ലിപ് ലോക്ക് രം​ഗങ്ങളുണ്ടായിരുന്നു. 2കോടി രൂപ പ്രതിഫലം വാ​ഗ്ദാനം ചെയ്തിട്ടും ഇതുകൊണ്ടാണ് താൻ പിന്മാറിയതെന്ന് സായ് പല്ലവി പറഞ്ഞു. അതിരൻ ആണ് സായ്പല്ലവി അവസാനമായി അഭിനയിച്ച ചിത്രം.