നടി ശിൽപ്പ ഷെട്ടിയുടെ ഭർത്താവും വ്യവസായിയുമായ രാജ് കുന്ദ്ര അറസ്റ്റിൽ. അശ്ലീല ചിത്രങ്ങൾ നിർമിക്കുകയും മൊബൈൽ ഫോൺ ആപ്പുകൾ വഴി അവ പ്രസിദ്ധീകരിക്കുകയും ചെയ്ത കേസിലാണ് രാജ് കുന്ദ്രയെ മുംബൈ പൊലീസ് അറസ്റ്റ് ചെയ്തത്. ക്രൈം ബ്രാഞ്ചാണ് രാജ് കുന്ദ്രയെ അറസ്റ്റ് ചെയ്തത്. മുംബൈ പൊലീസ് കമ്മീഷണർ ഹേമന്ദ് നഗ്രലെ അറസ്റ്റ് സ്ഥിരീകരിച്ചു. കേസുമായി ബന്ധപ്പെട്ട് രാജ് കുന്ദ്ര ക്കെതിരെ നിരവധി തെളിവുകൾ ലഭിച്ചതായും കമ്മീഷണർ അറിയിച്ചു.രാജസ്ഥാൻ റോയൽസ് ടീമിന്റെ ഉടമസ്ഥാവകാശവും, ഐപിഎൽ വാതുവെപ്പുമായി ബന്ധപ്പെട്ട് നേരത്തെ തന്ന വിവാദ നായകനാണ് രാജ് കുന്ദ്ര. എന്നാൽ കേസ് കെട്ടിച്ചമച്ചതാണെന്ന് രാജ് കുന്ദ്ര ആരോപിച്ചു. 2004 ൽ സക്സസ് മാസിക പുറത്ത് വിട്ട ബ്രിട്ടിഷ് ഏഷ്യൻ ധനികരുടെ പട്ടികയിലും രാജ് കുന്ദ്ര ഇടം നേടിയിരുന്നു.