ബോളിവുഡ് നടീനടന്മാരും വില കൂടിയ കാറുകളും ഒരിക്കലും തീരാത്ത സംസാര വിഷയമാണ്. വിപണിയിലിറങ്ങുന്ന പുത്തൻ ആഡംബര വാഹനങ്ങൾ ദിവസങ്ങൾക്കകം നടീനടന്മാരുടെ ബംഗ്ലാവുകളുടെ മുറ്റത്തെത്തുന്നത് സ്വാഭാവികം. ഇക്കൂട്ടത്തിൽ പുതിയ താരമാണ് ഇറ്റാലിയൻ വാഹന നിർമാതാക്കളായ ലംബോർഗിനിയുടെ ഉറുസ് എസ്‌യുവി. ബാൻഡ് ബജ ബാരാത്ത് തുടങ്ങി ഗള്ളി ബോയ് വരെയുള്ള സിനിമകളിൽ തകർത്തഭിനയിച്ച ബോളിവുഡ് നായകൻ രൺവീർ സിംഗാണ് ലംബോർഗിനി ഉറുസിന്റെ ഇന്ത്യയിലെ ഏറ്റവും പുതിയ ഉടമ.

3 കോടിയോളം എക്‌സ് ഷോറൂം വില വരുന്ന ലംബോർഗിനി ഉറൂസിന്റെ ചുവപ്പു നിറത്തിലുള്ള യൂണിറ്റാണ് രൺവീർ സിംഗ് സ്വന്തമാക്കിയത്. മുംബൈയിലെ തെരുവുകളിൽ തന്റെ പുതിയ ആഡംബര വാഹനവുമായി ഡ്രൈവിനിറങ്ങിയ രൺവീർ സിംഗിന്റെ ചിത്രങ്ങൾ സമൂഹ മാധ്യമങ്ങളിൽ വൈറൽ ആണ്.