പുതിയ സോഷ്യൽ മീഡിയ പ്ലാറ്റ്‌ഫോമായ ക്ലബ്ബ് ഹൗസിൽ തനിക്ക് അക്കൗണ്ടില്ലെന്ന് നടൻ ദുൽഖർ സൽമാൻ. തന്റെ പേരിൽ കാണുന്ന അക്കൗണ്ടുകളെല്ലാം വ്യാജ അക്കൗണ്ടുകളാണെന്നും ദുൽഖർ പറഞ്ഞു.തന്റെ പേരിലുള്ള വ്യാജ അക്കൗണ്ടുകളുടെ ചിത്രം സഹിതമാണ് ദുൽഖർ ഇക്കാര്യം ഫേസ്ബുക്കിലൂടെ അറിയിച്ചത്. ഈ അക്കൗണ്ടുകളെ പ്രോത്സാഹിപ്പിക്കരുതെന്നും കുറിപ്പിലുണ്ട്.ക്ലബ്ബ് ഹൗസ് തരംഗമായതിനെ തുടർന്ന് പല നടൻമാരുടെയും പേരിൽ വ്യാജ അക്കൗണ്ടുകളുണ്ട്. ഇത്തരത്തിൽ അക്കൗണ്ടുകൾ തന്റെ പേരിലും വന്നതിനെ തുടർന്നാണ് ദുൽഖറിന്റെ പ്രതികരണം.