ജനപ്രിയ താരം ദിലീപ് നായകനായെത്തുന്ന ഏറ്റവും പുതിയ ചിത്രം ജാക്ക് ഡാനിയലിന്റെ ടീസർ പുറത്തിറങ്ങി. തമിഴിലെ ആക്ഷൻ ഹീറോ അർജുൻ ചിത്രത്തിൽ പ്രധാന കഥാപാത്രത്തെ അവതരിപ്പിക്കുന്നുണ്ട്. എസ് എൽ പുരം ജയസൂര്യ ആണ് ചിത്രം സംവിധാനം ചെയ്യുന്നത്. ജാക്ക് എന്ന് പേരുള്ള മോഷ്ടാവായാണ് ദിലീപ് ചിത്രത്തിൽ പ്രത്യക്ഷപ്പെടുന്നത്.

അര്‍ജ്ജുനുമായുള്ള ദിലീപിൻ്റെ സംഘട്ടന രംഗങ്ങളും കോര്‍ത്തിണക്കിയാണ് ടീസര്‍ പുറത്ത് വിട്ടിരിക്കുന്നത്. അർജുൻ സർജയുടെ ആദ്യ മലയാള ചിത്രമാണ് ജാക്ക് ഡാനിയൽ. മോഹൻലാലിൽ നായകനാകുന്ന മരയ്ക്കാർ അറബിക്കടലിൻ്റെ സിംഹത്തിലും അര്‍ജുൻ അഭിനയിക്കുന്നുണ്ട്. അഞ്ചു കുര്യൻ ആണ് ചിത്രത്തിൽ ദിലീപിന്റെ നായികയായി എത്തുന്നത്.