നടിയും അവതാരകയുമായ പേളി മാണിയ്ക്കും ഭർത്താവ് ശ്രീനിഷിനും പെൺകുഞ്ഞ് പിറന്നു. ശ്രീനിഷ് ആണ് വിവരം പങ്കുവച്ചത്. അമ്മയും മകളും സുഖമായി ഇരിക്കുന്നുവെന്നും ശ്രീനിഷ് കുറിച്ചു. ദൈവം ഞങ്ങൾക്കായി അയച്ച സമ്മാനം, സന്തോഷത്തോടെ നിങ്ങളുമായി പങ്കുവക്കുന്നു. എൻറെ വലിയ കുഞ്ഞും ചെറിയ കുഞ്ഞും സുഖമായിരിക്കുന്നു. നിങ്ങളുടെ പ്രാർത്ഥനകൾക്കും അനുഗ്രഹങ്ങൾക്കും എല്ലാവർക്കും നന്ദി- ശ്രീനിഷ് കുറിക്കുന്നു.

സുഹൃത്തുക്കളും ആരാധകരും അടക്കം നിരവധി പേരാണ് ഇരുവർക്കും ആശംസകൾ നേർന്നത്. ബിഗ് ബോസ് എന്ന റിയാലിറ്റി ഷോയിലൂടെ പരിചയപ്പെടുകയും പ്രണയത്തിലാവുകയും പിന്നീട് വിവാഹം കഴിക്കുകയും ചെയ്ത താരങ്ങളാണ് പേളിയും ശ്രീനിഷും. ഇരുവർക്കും ഏറെ ആരാധകരും സോഷ്യൽ മീഡിയയിലുണ്ട്.