നെറ്റ്ഫ്‌ളിക്‌സ് വെബ് സീരിസ് ‘ബോംബെ ബീഗംസ്’നെതിരെ വിമർശനവുമായി ദേശീയ ശിശു സംരക്ഷണ സ്ഥാപനമായ എൻ.സി.പി.സി.ആർ. പരിപാടിയുടെ പ്രക്ഷേപണം നിർത്തിവെയ്ക്കണമെന്നാവശ്യപ്പെട്ട് നെറ്റ്ഫ്ലിക്സിന് നോട്ടീസ് നൽകി. പ്രായപൂർത്തിയാകാത്തവർക്കിടയിൽ ലൈംഗീക ചൂഷണവാസന വളർത്താൻ ഈ സീരീസ് കാരണമാകും എന്നാണ്  വിലയിരുത്തൽ  . 24 മണിക്കൂറിനുള്ളിൽ ഇതുസംബന്ധിച്ച് വിശദീകരണം നൽകണമെന്നും നോട്ടീസിൽ പറയുന്നു.സീരിസിൽ കുട്ടികളെ മോശമായി ചിത്രീകരിക്കുന്നുണ്ട്. പ്രായപൂർത്തിയാകാത്തവർക്കിടയിൽ ലൈംഗീക ചൂഷണവാസന വളർത്തുന്ന തരത്തിലാണ് സീരിസിന്റെ പ്രമേയമെന്നും എൻ.സി.പി.സി.ആർ. പറയുന്നു.   
പ്രായപൂർത്തിയാകാത്തവർക്കിടയിലെ കാഷ്വൽ സെക്‌സ്,ലഹരി മരുന്നുകളുടെ ഉപയോഗം എന്നിവ പ്രോത്സാഹിപ്പിക്കുന്ന തരത്തിലാണ് സീരിസ് നിർമ്മിച്ചിരിക്കുന്നതെന്നും കമ്മീഷൻ ആരോപിച്ചു.അതിനാൽ സീരീസിന്റെ സംപ്രേക്ഷണം ഉടൻ നിർത്തിവെയ്ക്കണമെന്നാണ് ആവശ്യം.