തൻറെ ആശയങ്ങളും പദ്ധതികളും ഡിഎംകെ അധ്യക്ഷൻ എം.കെ. സ്റ്റാലിൻ തട്ടിയെടുക്കുകയാണെന്നു മക്കൾ നീതി മയ്യം പ്രസിഡൻറും നടനുമായ കമൽഹാസൻ. വീട്ടമ്മമാർ‌ക്ക് 1000 രൂപ പ്രതിമാസം ശമ്പളം നൽകുമെന്ന് പ്രഖ്യാപിച്ചത് ഞാനാണ്. അതിനു പകരം റേഷൻകാർഡ് ഉടമകളായ വീട്ടമ്മമാർക്ക് 1000 രൂപ നൽകുമെന്നു ദർശനരേഖയിറക്കി സ്റ്റാലിൻ.

50 ലക്ഷം തൊഴിലവസരം, ദാരിദ്ര്യരേഖയ്ക്കു താഴെയുള്ള പിന്നാക്കക്കാരുടെ പുരോഗതി തുടങ്ങിയവയെല്ലാം എൻറെ പദ്ധതികളാണ്. ഇവയെല്ലാം സ്റ്റാലിൻ ഡിഎംകെയുടേതായി അവതരിപ്പിക്കുകയാണെന്നും കമൽഹാസൻ ആരോപിച്ചു. കഴിഞ്ഞദിവസം ട്രിച്ചിയിൽ പാർട്ടിയുടെ 10 വർഷത്തെ ദർശന രേഖ പുറത്തിറക്കിയപ്പോഴാണ് സ്റ്റാലിൻ വീട്ടമ്മമാർക്ക് പ്രതിമാസം 1000 രൂപ നൽകുമെന്നു പ്രഖ്യാപിച്ചത്.