ഏഴ് വർഷങ്ങൾക്ക് ശേഷം മോഹൻലാൽ ചിത്രം ദൃശ്യത്തിന് രണ്ടാം ഭാഗം എത്തുകയാണ്. ദൃശ്യം 2വിൻറെ ആരാധകർ ആകാംഷയോടെ കാത്തിരിക്കുന്ന ട്രെയിലർ ഫെബ്രുവരി എട്ടിന് റിലീസ് ചെയ്യുമെന്നാണ് ഇപ്പോൾ അണിയറപ്രവർത്തകർ അറിയിച്ചിരിക്കുന്നത്. നേരത്തെ ടീസർ പുറത്തിറങ്ങിയിരുന്നുവെങ്കിലും പ്രേക്ഷകർക്ക് രണ്ടാം ഭാഗത്തിൻറെ കഥയെന്തായിരിക്കുമെന്നുള്ള ഒരു സൂചന പോലും നൽകിയിരുന്നില്ല. അതിനാൽ ട്രെയിലറിനായി കാത്തിരിക്കുകയാണ് ആരാധകർ. ട്രെയിലർ റിലീസ് തീയതി മോഹൻലാൽ തന്നെയാണ് സോഷ്യൽമീഡിയ പേജുകൾ വഴി പങ്കുവെച്ചത്. സിനിമയും ഫെബ്രുവരിയിൽ തന്നെ പുറത്തിറങ്ങും എന്നാണ് സൂചന.