ആമസോൺ പ്രൈമിൽ റിലീസ് ചെയ്ത വെബ് സീരീസ് മിർസാപുരിന്റെ അണിയറ പ്രവർത്തകർക്ക് സുപ്രീം കോടതിയുടെ നോട്ടീസ്. ഉത്തർപ്രദേശിലെ മിർസാപുരിനെ മോശമായി ചിത്രീകരിക്കുന്നുവെന്നാരോപിച്ച് നൽകിയ പരാതിയിന്മേലാണ് സുപ്രീം കോടതിയുടെ നടപടി. മിർസാപൂരിനെ മയക്കുമരുന്നിന്റെയും അധോലോകത്തിന്റെയും കേന്ദ്രമായി ചിത്രീകരിക്കുന്നുവെന്നാണ് പരാതിയിൽ പറയുന്നത്. അണിയറ പ്രവർത്തകർക്കു പുറമേ ആമസോൺ പ്രൈമിനോടും വിശദീകരണം ആവശ്യപ്പെട്ടിട്ടുണ്ട്.ക്രൈം ആക്ഷൻ ത്രില്ലർ വിഭാഗത്തിൽപ്പെടുന്ന വെബ് സീരീസാണ് മിർസാപൂർ. കരൺ അനുഷ്മാൻ, ഗുർമീത് സിംഗ്, മിഹിർ ദേശായി എന്നിവരാണ് സംവിധായകൻ. മിർസാപുർ സീസൺ ആദ്യഭാഗം മികച്ച പ്രേക്ഷകപ്രീതി നേടിയതോടെയാണ് രണ്ടാംഭാഗവുമായി അണിയറപ്രവർത്തകരെത്തിയത്.പങ്കജ് ത്രിപാഠി, അലി ഫസൽ, ദിവ്യേന്ദു ശർമ്മ, ശ്വേത ത്രിപാഠി ശർമ്മ, രസിക ദുഗൽ, ഹർഷിത ഗൗർ, അമിത് സിയാൽ, അഞ്ജു ശർമ, ഷീബ ചദ്ദ, മനു റിഷി ചദ്ദ, രാജേഷ് തിലാങ് എന്നിവർ സീസൺ 2ൽ പ്രധാനകഥാപാത്രങ്ങളെ അവതരിപ്പിക്കുന്നു.