സൗബിൻ ഷാഹിർ നായകനാകുന്ന ഏറ്റവും പുതിയ ചിത്രം ആൻഡ്രോയിഡ് കുഞ്ഞപ്പൻ വേർഷൻ 5.25 ന്റെ ഫസ്റ്റ് ലുക്ക് പുറത്താണ് വിട്ടു. ടോവിനോ തോമസാണ് ചിത്രത്തിന്റെ ഫസ്റ്റ് ലുക്ക് പുറത്തിറക്കിയത്. 

മൂൺഷോട്ട് എന്റെർറ്റൈന്മെന്റിന്റെ ബാനറിൽ സന്തോഷ് ടി കുരുവിള നിർമിച്ചിരിക്കുന്ന ചിത്രത്തിന്‍റെ സംവിധാനം നിർവഹിച്ചിരിക്കുന്നത് നവാഗതനായ രതീഷ് ബാലകൃഷ്ണൻ പൊതുവാളാണ്. 

ഛായാഗ്രാഹകനായ സാനു ജോൺ വർഗീസ് ആണ് ചിത്രത്തിനായി ക്യാമെറ കൈകാര്യം ചെയ്തിരിക്കുന്നത്. സൈജു ശ്രീധർ എഡിറ്റിങ് നിർവഹിച്ചിരിക്കുന്ന ചിത്രത്തിന്റെ സംഗീത സംവിധാനം ബിജിപാലാണ്. 

സൗബിൻ ഷാഹിറിന് പുറമെ സൂരജ് വെഞ്ഞാറമ്മൂട്, സൈജു കുറുപ്പ്, മാല പാർവതി, മേഘ മാത്യു തുടങ്ങിയവർ ചിത്രത്തിൽ വിവിധ വേഷങ്ങളിലെത്തുന്നു. നവംബർ 8 നു ചിത്രം തിയേറ്ററുകളിലെത്തും.