പാർവതി തിരുവോത്ത് കേന്ദ്രകഥാപാത്രമാകുന്ന 'വർത്തമാനം' ചിത്രത്തിന് പ്രദർശനാനുമതി. മുംബൈ സെൻസർ റിവിഷൻ കമ്മിറ്റി ചെറിയ മാറ്റങ്ങളോടെ ചിത്രം പ്രദർശിപ്പിക്കാൻ അനുമതി നൽകി.തിരക്കഥാകൃത്തും വർത്തമാനത്തിൻറെ നിർമാതാവുമായ ആര്യാടൻ ഷൗക്കത്താണ് പ്രദർശാനാനുമതി ലഭിച്ച വിവരം ഫേസ്ബുക്കിലൂടെ അറിയിച്ചത്. "രചയിതാവിൻറെ കുലവും ഗോത്രവും നോക്കി സിനിമയുടെ വിധി നിർണയിച്ചവർ അറിയുക, മലയാള ചലച്ചിത്ര ആവിഷ്‌കാര ശൈലിയെ ബഹുമാനിക്കുന്ന ചിലരെങ്കിലും രാജ്യത്തുണ്ടെന്ന്. ബാക്കി വർത്തമാനം 'വർത്തമാനം' തന്നെ നിങ്ങളോട് പറയും. മതേതര മനസുകളുടെ പോരാട്ടത്തിൻറെ വിജയം കൂടിയാണിത്. പിന്തുണച്ച എല്ലാവർക്കും നന്ദി," എന്ന് ആര്യാടൻ ഷൗക്കത്ത് ഫേസ്‌ബുക്കിൽ പറഞ്ഞു.