500 കോടി രൂപ മുതൽമുടക്കിൽ അണിയറയിൽ ഒരുങ്ങുന്ന രാമായണം സിനിമയിൽ ഹൃത്വിക്കും പ്രഭാസും ദീപികയും കേന്ദ്ര കഥാപാത്രങ്ങളെ അവതരിപ്പിക്കുമെന്ന് റിപ്പോർട്ടുകൾ. ചിത്രത്തിൽ രാമനായി ഹൃത്വിക്കും സീതയായി ദീപികയിയും രാവണനായി പ്രഭാസും എത്തുമെന്ന് വിവിധ മാധ്യമങ്ങൾ റിപ്പോർട്ട് ചെയ്തു. 

ഹിന്ദി, തമിഴ്, തെലുങ്ക് ഭാഷകളിൽ ഒരുങ്ങുന്ന ചിത്രം 3 ഡി യിലാകും പുറത്തിറങ്ങുക. ദംഗലിന്റെ സംവിധായകന്‍ നിതേഷ് തിവാരി, തെലുങ്ക് നിര്‍മാതാവ് അല്ലു അരവിന്ദ്, മധു മന്റേന, നമിത് മല്‍ഹോത്ര, മോം എന്ന ചിത്രത്തിന്റെ സംവിധായകന്‍ രവി ഉദ്യാവർ എന്നിവർ ചേർന്നാണ് ചിത്രം നിർമ്മിക്കുന്നത്. സംവിധായകന്റെയോ മറ്റ് അഭിനേതാക്കളുടെയോ വിശദാംശങ്ങൾ പുറത്തുവന്നിട്ടില്ല. 

മൂന്നു ഭാഗങ്ങളായി പുറത്തിറങ്ങുന്ന ചിത്രത്തിന്റെ ആദ്യ പാർട്ട് 2021 ൽ പുറത്തിറങ്ങും. അടുത്ത വർഷം സിനിമയുടെ ചിത്രീകരണം ആരംഭിക്കും.