പ്രധാനമന്ത്രി നരേന്ദ്രമോദിയുടെ യൗവ്വനകാലം ആസ്‌പദമാക്കി സിനിമ ഒരുങ്ങുന്നു. മൻ ബൈരാഗി എന്നാണ് ചിത്രത്തിന് പേരിട്ടിരിക്കുന്നത്. സഞ്ജയ് ലീല ബൻസാലിയാണ് ചിത്രം നിർമ്മിക്കുന്നത്. പ്രധാനമന്ത്രിയുടെ ജന്മദിനത്തോടനുബന്ധിച്ച് സിനിമയുടെ ഫസ്റ്റ് ലുക്ക് പുറത്തു വിട്ടു. അക്ഷയ് കുമാറും പ്രഭാസും ചേർന്നാണ് ചിത്രത്തിന്റെ ഫസ്റ്റ് ലുക്ക് പോസ്റ്റർ പുറത്തു വിട്ടത്. 

സഞ്ജയ് ത്രിപാഠിയാണ് ചിത്രം സംവിധാനം ചെയ്യുന്നത്. സഞ്ജയ് ലീല ബൻസാലിക്കൊപ്പം മഹാവീർ ജയിനും ചിത്രത്തിന്റെ നിർമ്മാണം നിർവഹിക്കുന്നുണ്ട്. സിനിമ ആരാധകർ ഇരു കയ്യും നീട്ടി സ്വീകരിക്കുമെന്നതിൽ സംശയമില്ലെന്ന് സംവിധായകൻ സഞ്ജയ് ത്രിപാഠി പ്രതികരിച്ചു. 

നേരത്തെ വിവേക് ഒബ്‌റോയ് നായകനായി മോദിയുടെ രാഷ്ട്രീയ ജീവിതം പ്രമേയമാക്കി പി എം നരേന്ദ്ര മോദി എന്ന ചിത്രം ഈ വർഷം റിലീസ് ചെയ്തിരുന്നു.