രജനികാന്തിന്റെ പുതിയ ചിത്രമായ അണ്ണാത്തെയുടെ ഷൂട്ടിങ്ങിനിടെ സെറ്റിൽ എട്ട് പേർക്ക് കോവിഡ് സ്ഥിരീകരിച്ചു. രജനികാന്ത് ഉൾപ്പെടെയുള്ളവർക്ക് ഉടൻ കോവിഡ് പരിശോധന നടത്തും. നിലവിൽ ചിത്രീകരണം പൂർണമായി നിർത്തി വച്ചിരിക്കുകയാണ്. രജനികാന്ത് ചെന്നൈയിലേക്ക് മടങ്ങും. സഹപ്രവർത്തകർക്ക് കോവിഡ് ബാധിച്ച സാഹചര്യത്തിൽ രജനികാന്ത് ക്വാറന്റീനിൽ പോയേക്കുമെന്നാണ് വിവരം. റാമോജി ഫിലിം സിറ്റിയിൽ ബയോബബിൾ രീതിയിലായിരുന്നു അണ്ണാത്തെയുടെ ചിത്രീകരണം നടന്നത്.

സിരുത്തൈ ശിവയുടെ സംവിധാനത്തിലൊരുങ്ങുന്ന അണ്ണാത്തെയുടെ ചിത്രീകരണം കോവിഡ് സാഹചര്യത്തിൽ മുടങ്ങിയതിനെ തുടർന്ന് കഴിഞ്ഞ ദിവസമായിരുന്നു പുനരാരംഭിച്ചത്.