തമിഴ്നാട് നിയമസഭാ തിരഞ്ഞെടുപ്പിൽ മത്സരിക്കുമെന്ന് നടനും മക്കൾ നീതി മയ്യം നേതാവും നടനുമായ കമൽ ഹാസൻ. തന്റെ നിയോജകമണ്ഡലം ഏതാണെന്ന് പിന്നീട് പ്രഖ്യാപിക്കുമെന്ന് കമൽ പറഞ്ഞു. തിരഞ്ഞെടുപ്പു പ്രചാരണത്തിനു തുടക്കം കുറിച്ച് തെക്കൻ തമിഴ്നാട്ടിൽ നടത്തുന്ന പര്യടനത്തിനിടെ സംസാരിക്കുകയായിരുന്നു അദ്ദേഹം.

രജനികാന്തുമായി ചേർന്ന് പ്രവർത്തിക്കുന്ന കാര്യം പരിഗണയിലുണ്ടെന്നും കമൽ പറഞ്ഞു. ഡിസംബർ 31-ന് രജനികാന്തിന്റെ പാർട്ടി പ്രഖ്യാപനത്തിന് ശേഷം അതെക്കുറിച്ച് ചിന്തിക്കുമെന്നും കമൽ പറഞ്ഞു. ‘രജനി എന്റെ എതിരാളിയല്ല. തങ്ങളെ തമ്മിലടിപ്പക്കാൻ പലരും ശ്രമിക്കുന്നുണ്ട്. ഞങ്ങൾ ഒരേ വഴിയിലൂടെ സഞ്ചരിക്കുന്നവരാണ്.’ കമൽ പറഞ്ഞു.അഴിമതിയെ ഉന്മൂലനം ചെയ്യുക എന്നതാണ് മക്കൾ നീതി മയ്യത്തിന്റെ പ്രധാന ലക്ഷ്യം.